СподелиКино е преместено во среда, СподелиЗнаење чека подобри времиња

И официјално, СподелиКино е преместено во среда. Наместо секој втор вторник, проекциите се одржуваат секоја среда од 20 часот во Точка. Овој термин се преместува само ако во Точка има некој друг настан кој од некои причини мора да биде одржан во среда. Сѐ уште можете да ја погледате предлог програмата за да видите што смислуваме за киното, а и за да напишете некоја ваша идеја.

СподелиЗнаење од друга страна е ставено на пауза. За да имаме СподелиЗнаење генерално ни е потребен простор со Интернет (и проектор). Местото значи не мора задолжително да биде ФЕИТ (ЕТФ) иако ние сметаме дека тоа е добра локација. Сеедно, штом не можеме да добиеме помош од студентите, разгледуваме и други опции. Предлози се добредојдени.

Епидемија во WоW на Сподели кино 2.11, 30.01.08 во 20ч [Точка]

Уште едно кино со предавање од 24c3. Насловот е Modelling Infectious Diseases in Virtual Realities.

Предавањето дава интересен преглед и епидемиолошка анализа на виртуелна болест во онлајн игра. Истовремено, тоа е добар увид во неочекуваните замки на креирањето виртуелни платформи и човечкото однесување во виртуелната реалност. (Врска до описот од конференцијата.)

Чумата "corrupted blood" како што се случува во Ironforge.
(Слика од Википедија)

Предавањето трае околу еден час. По него ќе ја пуштиме и епизодата од South Park што е посветена на WoW.

Ќе биде баш добро ако на ова кино дојдат некои од локалните Вовџии да ни кажат како нив им се случила чумата.

Сподели кино 2.10 23.01.2008, 20ч Точка

На мени оваа недела ќе бидат предавања од 24c3 хакерската конференција која се одржа во Берлин на крајот на 2007ма.

Почнуваме со DNS Rebinding And More Packet Tricks на Ден Камински. Тој во најавата вели:

DNS Rebinding се покажа како ефикасен механизам за претворање на веб прелистувачот во прокси

Предавањето не смеете да го пропуштите, ако ништо друго, поради лудиот стил на презентација кој го користи. Дури и ништо да не сфатите, пак ќе ви биде интересно бидејќи типот е шоумен од прва класа.



линк до сликата

Во продолжение ќе пуштиме уште некои клипови кои ни фатија око изминатиот период.

Стојанче има доста интересен предлог поврзан со IP темата која ќе се пушта.
Всушност еден исечок од последната епизода на Hak.5.

Се работи за крекнување на WPA(2) (PSK) Access Point користејќи BackTrack (GNU/Linux дистрибуција, главно наменета за безбедност на мрежи). Тука дечките покажуваат како може да се кракне дадениот AP (нивен) со користење главно на Kismet и Aircrack-NG, сите вклучени во BackTrack. Не е покажано ништо нелегално на снимката, проследено со малку шега околу легалноста на „делото“.

Времетраење: ~ 8/9 мин.

Ресурси:
> http://hak5.org/
> Kismet: http://kismetwireless.net/
> Aircrack-NG: http://aircrack-ng.org/
> BackTrack: http://www.remote-exploit.org/backtrack.html


Има уште неколку предавања од 24c3 што сакаме да ви ги пуштиме. Бидејќи предавањата не се кратки, ќе ги распоредиме низ сезоната.

Среќни празници од Сподели

Сподели кино спушта завеси додека траат празниците. Уживајте офлајн.

Фотографија: CC-BY од http://flickr.com/photos/frenchy/79366752/.

24c3 рекапитулар

Накратко... одлично си поминав. Видов многу работи и се осеќав како дома.

За интересните предавања веќе пишував... ќе зборуваме за тоа и на некое СподелиКино кога ќе прикажеме некои од нив.

За крај, сакам да кажам дека видов многу интересни геџети, највеќе ми се допадна реконструкцијата на Pong во вистински 3д простор на кубичен меш од диоди... и нормално Sponc кој се наоѓа во c-base - хакерското дувло. Sponc e multy touch Понг / Арканоид игра. Уживајте